Бугунги кунда яшил оламни сақлаш ва кўпайтириш давлат сиёсати даражасига кўтарилди.

Мамлакатимизда кечаётган янгиланиш ва ўзгаришларда энг катта жамоат ташкилоти бўлмиш касаба уюшмаларининг ҳам муносиб ҳиссаси бор. Ўтган беш йил касаба уюшмалари ҳаётида туб бурилишлар даври бўлди. Айни пайтда соҳа тизимида 230 бошланғич ташкилот фаолият кўрсатиб, уларда 65 минг нафардан зиёд аъзо меҳнат қилаётир.

Инсон бажараётган ишидан кўнгли тўқ, иш жойида ҳар томонлама ҳимояда бўлса, унга хавфсиз меҳнат ­шароити яратиб берилса, фаолияти ҳам шунга яраша самарали бўлади. Ахборот технологиялари ва оммавий коммуникация ходимлари касаба уюшмалари бу борада қатор ишларни амалга ошириб келяпти. Аввало, ҳали ҳимоя­­га олинмаган тизимдаги ташкилотлар касаба уюшмаларига жалб этиляпти. Жорий йилнинг ўтган даврида 35 та ташкилот касаба уюшма хизматига олиниб, аъзолар сони 1394 нафарга ошди.

Мамлакатимизда касаба уюшмалари тарихига 115 йил бўлди. Мустақил Ўзбекистонда эса касаба уюшмалари тузилганига 30 йил тўлди. Бу даврда касаба уюшмалари фаолиятида кўтарилишлар ва пасайишлар юз берди, лекин ҳеч қачон долзарблигини йўқотмади.

11 ноябрь – “Касаба уюшмалари куни” арафасида вазирликнинг Навоий ва Жиззах вилоятлари ҳудудий бошқармалари ҳамда Республика кенгашининг ҳудуд бўйича кураторлари ҳамкорлигида соҳа ёшлари учун замонавий ахборот технологиялари қурилмалари ишлаб чиқарувчи корхоналарга экскурсия ташкил этилди.