Фаолият

Касаба уюшмаси ўз фаолиятини Ўзбекистон Республикасининг Конституцияси,  Меҳнат кодекси,  “Нодавлат нотижорат ташкилотлари тўғрисида”ги,  “Касаба уюшмалари,  уларнинг ҳуқуқлари ва фаолиятининг кафолатлари тўғрисида”ги,  “Ижтимоий шериклик тўғрисида”ги,  “Ўзбекистон Республикасида жамоат бирлашмалари тўғрисида”ги қонунларига,  нодавлат нотижорат ташкилотлари фаолиятларини тартибга солувчи бошқа норматив-ҳуқуқий ҳужжатларга ҳамда Уставга мувофиқ амалга оширади.

Касаба уюшмаси фаолиятининг асосий мақсади касаба уюшмаси аъзолари,  шунингдек корхона,  ташкилот,  муассасалар ходимларининг меҳнат,  ижтимоий-иқтисодий,  интеллектуал ҳуқуқ ва манфаатларини ҳимоя қилишдир.

Касаба уюшмаси ўз аъзоларининг қонуний ҳуқуқлари ва манфаатларини ҳимоя қилиш учун Ўзбекистон Республикасининг амалдаги қонунчилигида таъқиқланмаган барча усуллардан фойдаланади.