Bayram arafasida

Joriy yil 3 mart kuni Navoiy viloyatidagi soha korxona, tashkilot va muassasalarida faoliyat yuritayotgan xotin-qizlarimiz o‘rtasida 8 mart “Xalqaro xotin-qizlar” bayrami munosabati bilan sportning voleybol turi bo‘yicha musobaqa bo‘lib o‘tdi.

Ushbu musobaqada “O‘zbektelekom” AK Navoiy filiali, “O‘zbekiston pochtasi” AJ Navoiy filiali, A.Qodiriy nomidagi Navoiy viloyati axborot kutubxonasi, Navoiy viloyati axborot texnologiyalari texnikumi, AT ”Aloqabank” xotin-qizlaridan iborat 5 ta jamoa qatnashdi.

Musobaqada 1-o‘rin A.Qodiriy nomidagi Navoiy viloyati axborot kutubxonasi, 2-o‘rin  Navoiy viloyati axborot texnologiyalari texnikumi, 3-o‘rinni “O‘zbektelekom” AK Navoiy filiali jamoalari qo‘lga kiritdi. G‘olib jamoalarga  xududiy boshqarma boshlig‘i tomonidan  diplom va esdalik sovg‘alari topshirildi.