Rahbariyat

Rais xizmat vazifalarga bog‘liq bo‘lgan  quyidagi  ishlarni bajaradi:    
1. O‘zbekiston Respublikasi Vazirlar Mahkamasi, uning sohaga talluqli kompleksi, Federatsiya kengashi tomonidan o‘tkazilayotan selektor yig‘ilishlarida shaxsan ishtirok etadi, yig‘ilishda belgilangan topshiriqlar bajarilishini ta’minlaydi.
2. O‘zbekiston Respublikasi Axborot texnologiyalari va kommunikatsiyalarini rivojlantirish vazirligi hay’ati, shuningdek boshqa boshqaruv organlari yig‘ilishlarida ishtirok etadi, ularda tarmoq xodimlarining ijtimoiy-iqtisodiy manfaatlariga oid masalalarni, imzolangan Tarmoq (tarif) kelishuvlarining bajarilishi bo‘yicha mavjud muammolarni qo‘yadi va ularni hal etadi.
3.  Boshqa davlat, nodavlat tashkilotlari bilan hamkorlikni yo‘lga qo‘yish ishlarini tashkillashtiradi.
4. Hududiy birlashmalar va Kengash, tarmoq kasaba uyushma qo‘mitalari hamkorligini yo‘lga qo‘yilishi uchun shaxsan mas’ul hisoblanadi, ushbu hamkorlik samarali olib borilishi bo‘yicha ishlarni tashkil qiladi.
5. Har xaftada bir marta Kengash apparati xodimlari bilan  yig‘ilishlar o‘tkazadi, ularda Kengash apparati, kasaba uyushmalari faoliyatiga oid masalalarni ko‘rib chiqadi, vazifalarni belgilaydi. 
6. Kengashning rasmiy veb-sayti bilan ishlaydigan mas’ul xodimni tayinlaydi va uning faoliyatini shaxsan nazorat qilib boradi.
7. Ijtimoiy sheriklar bilan muzokaralar olib borish, Tarmoq (tarif) kelishuvi loyihasini ishlab chiqish va kelishish ishlarini, tuzilgan kelishuvlar va shartnomalarni bajarish xolatini shaxsan nazorat qiladi. 
8. Tarmoq miqyosida ish haqi o‘z vaqtida to‘lanishi ustidan jamoatchilik nazorati tizimi joriy etilishini ta’minlaydi.
9. Kengash va uning rayosati ishini boshqaradi, ularning majlislarini o‘z vaqtida o‘tishini ta’minlaydi, kasaba uyushmasi Respublika kengashi rayosatini chaqiradi. 
10. Kengash apparatini shakllantiradi va uning xodimlari hamda kasaba uyushma qo‘mitalari raislari bilan mehnat shartnomalarini imzolaydi.
11. Xodimlar mehnat faoliyatiga, shaxsiy tarkibiga va  xizmat safariga oid farmoyishlar chiqaradi. 
12. Kengash mulkini va pul mablag‘larini tasarruf etadi, kasaba uyushmasi Ustavi, Kengash rayosati tomonidan berilgan vakolatlar doirasida boshqa tashkiliy - boshqaruv, ma’muriy-xo‘jalik ishlariga oid vazifalarni amalga oshiradi.

Xizmat vazifalarga bog‘liq bo‘lgan  quyidagi  ishlarni bajaradi:      
1. Kengashda mehnat va ijro intizomiga rioya etilishini doimiy nazorat qilib boradi, xodimlarni rag‘batlantirish, ularga nisbatan intizomiy chora qo‘llash  yuzasidan Kengash raisiga bildirgi kiritadi.
2. Kengash mas’ul xodimlari lavozimlariga va boshlang‘ich tashkilotlar raisi nomzodlarni tanlaydi va tegishli taklif (xulosa)larni tayyorlaydi.
3.  Kengashning ish rejalarini ishlab chiqadi,   ish rejalari va haftalik yig‘ilish topshiriqlarining o‘z vaqtida bajarilishini tashkil etadi.
4. Xodimlarni xizmat safariga yuborish to‘g‘risida taklif kiratadi va xodim bilan birgalikda hizmat safari natijasi yuzasidan raisga  tahliliy ma’lumot (axborot)ni taqdim etadi.
5. Kengashning rasmiy veb-saytida berilgan ma’lumotlarning sifati va mazmuni uchun  mas’ul javobgar shaxs hisoblanadi.
6.  Boshlang‘ich tashkilotlarning  “Milliy g‘oya targ‘iboti” yo‘nalishidagi faoliyatini muvofiqlashtiradi, olingan ma’lumotlarni umumlashtiradi, tahlil qiladi va yakuniy ma’lumotni Federatsiya Kengashiga topshiradi.
7.  Kengashda qabul qilingan qarorlar, shuningdek yuqori idoralar xujjatlarining bajarilishini nazorat qiladi, ijrosi ta’minlangan qarorlarni nazoratdan chiqarish xaqida tegishli xodimlarga topshiriq beradi.
8. Yangi tuzilgan boshlang‘ich tashkilotlarni kasaba uyushma xizmatiga olinishida, jamoa shartnomalari tuzish va faoliyatini  tashkil etishda amaliy va uslubiy yordam ko‘rsatadi.
9. Tarmoq (tarif) kelishuvlari va jamoa shartnomalari loyihalarini jamoatchilik ekspertizasidan o‘tkazish komissiyasi faoliyatiga rahbarlik qiladi.
10.  Mehnat muhofazasi bo‘yicha taqdim etilayotgan me’yoriy hujjatlar loyihalarini ko‘rib chiqadi hamda ular yuzasidan taklif va e’tirozlar tayyorlaydi.
11. Xodimlarni mehnat muhofazasi bo‘yicha o‘qitilishi hamda ularning mehnat muhofazasi sohasidagi bilimlarini tekshirilishida ishtirok etadi.
12. Kasaba uyushma qo‘mitasi faollari va ish beruvchining vakillari bilan birgalikda xodimlarning xavfsizligi yoki salomatligiga zarar etkazuvchi omillarni bartaraf etish holatini o‘rganadi va tegishli ishlarni tashkillashtiradi.
13. Tarmoq tizimidagi bolalar sog‘lomlashtirish oromgohlarining texnik holatini, yozgi mavsumga tayyorgarligini o‘rganadi va ularni foydalanishga qabul qilishda ishtirok etadi.
14. Tarmoq korxonalarida mehnat muhofazasi va xodimlarga qulay mehnat sharoitini yaratish bo‘yicha targ‘ibot-tushintirish ishlarini olib boradi.
15. Komissiya tarkibida ishlab chiqarishda yuz bergan  baxtsiz hodisalarni, kasb kasalliklarini, xodimlar sog‘lig‘iga shikast etkazish holatlarini tekshirishda  qatnashadi.
16. Kasaba uyushmasi Ustavida belgilangan boshqa vazifalarni amalga oshiradi.
17. RK rahbariyati tomonidan berilgan topshiriq va ko‘rsatmalarni o‘z vaqtida sifatli qilib bajaradi.
18. RK vakolatiga kiruvchi vazifalar yuzasidan mavjud ma’lumotlardan  foydalanish xuquqiga ega.