Qashqadaryoda “Yilning eng yaxshi kutubxonachisi” aniqlandi

Sayido Nasaafiy nomidagi Qashqadaryo viloyati axborot-kutubxona markazida Qashqadaryo viloyatidagi axborot-kutubxona markazlari mutaxassislari o‘rtasida “Yilning eng yaxshi axborot-kutubxona mutaxassisi” ko‘rik-tanlovining viloyat bosqichi bo‘lib o‘tdi.

Tanlovda viloyat hamda tuman axborot-kutubxona markazlaridan 19 nafar mutaxassislar o‘z iqtidori va bilimdonligi namoyish etdilar.

Tanlovning shaffofligini ta’minlash maqsadida O‘zbekiston Milliy kutubxonasi vakillari ZOOM platformasi orqali jarayonni kuzatib bordilar.

Natijalarga ko‘ra:

1-o‘rin – G‘uzor tumani AKM mutaxassisi Ro‘ziyeva Fotima Murotovna;

2-o‘rin – G‘uzor tumani AKM mutaxassisi Ro‘ziyeva Zuhra Murotovna;

3-o‘rin – Nishon tuman AKM mutaxassisi Ziyotboyeva Durdona Sirojiddin qizi yuqori o‘rinlarni egalladilar.

1-o‘rinni egallagan G‘uzor tumani AKM mutaxassisi Ro‘ziyeva Fotima Murotovna Respublika bosqichida ishtirok etish yo‘llanmasini qo‘lga kiritdi.

G‘oliblar viloyat axborot-kutubxona markazi tomonidan kitoblar jamlanmasi hamda diplom va faxriy yorliq  bilan taqdirlandilar.