Bayram arafasida

Bag‘rikenglik, ezgulik va saxiylik xalqimizga xos xislat. Bu insoniy fazilatlar, ayniqsa, Qurbon hayiti kunlari yanada yorqin namoyon bo‘ladi.

O’zbekiston Milliy kutubxonasida bayram oldi keksa avlod vakillari, kutubxonada uzoq yil faoliyat yuritib xozirda nafaqada bo‘lgan faxriylarni yo’qlash, holidan xabar olish kabi ezgu an’ana yo’lga qo'yilgan.

Shu an’anaga sodiq qolgan holda xayit bayrami arafasida bir guruh faxriylar xonadonlariga tashrif buyurib, kasaba uyushmasi qo’mitasi tomonidan zarur oziq-ovqat mahsulotlari to’plamlari taqdim etildi. Ushbu tashrifdan faxriylar ko’ngli tog‘dek ko’tarildi.